ROXAS CITY – Bugal sang probinsiya sang Capiz ang nabaton nga Hall of Fame award sa Association of Tourism Officers of the Philippines- Department of Tourism ukon ATOP- DOT PEARL Awards sa Paoay, llocos Norte.
Nahibaluan nga ginpasindunggan ang Capiz sa ikatatlo ka magkasunod nga tion bilang ‘’Best Tourism Month celebration Provincial Level.
Magluwas sa nasambit nga pasidungog, duha pa ka award ang nabaton sang probinsiya bilang grand winner sa Best Culture and Arts Program kag First Runner up for Best in Promotional Video.
Kalakip sa nagbaton sang award sang probinsiya amo sanday PTCAO officer Alphonsus Tesoro, Municipal Tourism Officers/Tourism Consultants sang Cuartero, Ivisan, Sapian, Jamindan, Pilar, Mambusao kag Dumarao, Board Member Victor Tanco Jr. kag provincial administrator Edwin Chinel Monares.
Ginpahayag ni Mr. Alphonsus Tesoro nga malipayon sila sa nabaton nga award sa diin bunga ini sang collaborative effort sang tanan nga nagbulig agud mangin madinalag-on ang ila nga presentasyon.
Suno pa sa opisyal nga sila sa PTCAO ang nagtingwa nga mahatag ang ila masarangan sa ginapatuman nga mga program.
Ginpabugal man ni Tesoro nga ang ila nabaton nga awards, isa ka klaro nga palatandaan sang ila combined efforts sa diin nangin positibo ang resulta sini.
