Natalana nga magproklamar ang Commission on Elections (Comelec) sa mga nagdaug nga mga organisasyon sa listahan sang partido sa bag-o lang nagtakop nga midterm elections.
Ginpahayag ni COMELEC chair Geroge Garcia nga ginpakamaayo sang National Board of Canvassers nga hiwaton ang proclamation alas 3 subong nga hapon, Lunes.
Ginklaro sini nga wala sang “partial proclamation” kag sa baylo bug-os nga listahan sang mga nagdaug.
Gindugang sini nga magapagwa sang resolution ang NBOC sa proklamasyon sang mga nagdaog nga party-list groups lakip na ang numero sang pulungkuan nga gintigana para sa ila.
May yara sang 63 ka pulungkuan nga gintigana para sa mga party-list representatives apang ginalantaw sang COMELEC ang legal nga remedyo sa ginahingyo sang pila ka mga grupo nga dapat may isa pa.
Ginbase ni Garcia ang party-list number sa pormula nga ginpaambit sang Korte Suprema sa desisyon sini sang 2009.
Base sa National Certificates of Canvass (COC) nga gin-issue sang NBOC, nagpanguna ang AKBAYAN, ginsundan sang Duterte Youth, Tingog, 4Ps, ACT-CIS, Ako Bicol, Uswa Ilonggo, Solid North, Trabaho kag CIBAC.
