ROXAS CITY – Ginpilahan sang mas o menus sa 500 ka mga sasakyan nga ginalakipan sang pribado nga mga behikulo, motorsiklo kag tricycle ang promo sang bag-o nagbukas nga gasoline station sa Roxas City.
Nangin mahinay ang dalagan sang trapiko humalin sa Barangay Bolo tobtob Barangay Lawaan bangud sa malaha nga pila sang mga salakyan nga luyag maka-avail sang P10 tagsa ka litro nga gasolina/krudo nga promo sang Phoenix Fuel.
Suno sa pila ka mga motorista nga gikan pa sa kabanwahanan, nga sa Bombo Radyo nila nabatian ang natuhoy sa promo sang Phoenix Fuel rason nga gin-agahan pa nila sang pagpadulong sa Roxas City para makauna sa pila.
Nagsugod ang promo alas 10 kaina sang aga tobtob las 12 sang udto apang ginpalawig sang pila ka oras agud ma-akomodar ang iban pa nga nakasulod sa pila
