ROXAS CITY – Preparado na ang mga dokumento, equipment kag propedad sang administrasyon ni Contreras para sa transisyon sa masunod pungko nga administrasyon ni Castro.
Ini ang ginkumpirmar ni Mr. Eduardo “Boy” Apaap, pinuno sang Provincial General Services Office (PGSO), sang mainterview sang Bombo Radyo.
Suno diri, indi ini bag-o sa ila talatapan bangud sa kada tuig ang ila pag-audit sang mga gamit ukon propedad, subong man ang estado sang pondo kag iban pa nga kinahanglan iga-audit sa provincial capitol.
Nahibaluan nga ang transition period ang natalana sa Hunyo 30, kag magapungko ang bag-o nga administrasyon sa Hulyo 1, sini nga tuig.
Sa pihak nga bahin, mangin simple kag “maki-masa” ang patigayunon nga inagurasyon ni Governor-elect Fredenil ‘Oto’ Castro, sandig sa nabalitaan ni Apaap.
