ROXAS CITY – Nagpatigayon sang Simultaneous blowing of sirens ang fire trucks sang Bureau of Fire Protection (BFP) Capiz nga gin-updan sang pila ka volunteer firetrucks, kadungan sa pagsugod sang Fire prevention Month celebration, subong nga Marso.
Sa pahayag ni FSupt. Jenny Mae C. Masip, provincial fire director sang BFP-Capiz, ginpahayag sini nga panugod pa lamang ini sang madamo pa nga aktibidad kag programa sang mga bumbero sa probinsya.
Ini agud mapahanumdom sa publiko nga maghalong indi lamang sa bulan sang Marso kundi adlaw-adlaw.
Nagahinyo man ini sang suporta sa mga pumuluyo nga suportahan ang ila mga patigayunon nga aktibidad.
Nahibaluan nga Marso 1 tubtob 3, may patigayunon ang mga bumbero nga fire square road show sa Robinsons Mall sa Brgy. Lawaan, sini nga syudad.
