SAPIAN CAPIZ – Aktibo nga gintambungan sang pumuluyo ang public consultation hearing sang mga ginpang-imbitar sang LGU Sapian para sa mga apektado sang quarry operation sa Brgy. Poblacion Sapian, Capiz.
Ginpatigayon ini sang LGU Sapian sa pagpanguna ni Mayor Joe villanueva kaupod ang Capenro, PENRO, Arcenas Construction Inc. kag iban pa.
Sa Pahayag ni Hon. Jose Villanueva, Alkalde sang Sapian sa iya mensahe antes magsugod ang pagsinapol ginpahayag nga ginkalipay nila nga mga Goverment officials nga nagtambong ang pumuluyo sang brgy. Poblacion nga nangin mabinungahon ang konsultasyon bangud makit-an ang suporta sang mga sapi-anon sa pag-amlig kag protehir sang ila banwa.
Matandaan, nga Ginpapanaugan insigida sang Executive Order ni Sapian Mayor Joe Villanueva para sa maid id nga imbestigasyon ang pagpatigayon sang blasting sa isa ka quarry site sa masambit nga banwa.
Suno sa Alkalde, nagtukod ini sang investigative body para mag monitor sa operation sang quarry kun may kasaypanan ang permit ukon naga-comply sa nagakaigo nga regularidad.
Samtang ang Capenro nagpasalig nga ipatuman nila ang nauna nga mandu amu ang pagpabilin sang cease and desist order para sa papasiguro nga may husto nga pagsunod sa mga layi kag regulasyon antes liwat pasugtan ang operasyon.
Sa karon, Padayon ang panawagan sang Sapian LGU sa paghangop kag pag intchindi sang publiko samtang ginahiwat pa ang imbestigasyon samtang ginahulat ang positibo nga resulta sang mga nagkalatungdan nga otoridad.
