Malipayon nga nagbaton sang Special Risk Allowance ang mga Community Health Volunteers nga ginakalakipan sang Barangay Health Workers (BHWs), Barangay Nutrition Scholars (BNS) kag Barangay Service Point Officers (BSPO) sa ginpatigayon nga public health updates and distribution of special risk allowance sa Capiz Gymnasium, Villareal Stadium, Roxas City, Capiz.
Ginpangunahan ni Gov. Fredenil Castro ang amo nga kahiwatan kaupod ang iban pa nga mga Provincial Government Officials, Roxas City Mayor Ronnie Dadivas.
Ginakabug-usan sang 1,214 Community Health Volunteers nga nagikan sa mga kabarangayan sa syudad sang Roxas ang nagbaton sang nasambit nga ayuda.
Ang nasambit nga numero sang CHV ang ginakalakipan sang 1,141 ka mga BHWs, 40 ka mga BNS kag, 33 tanan ka mga BSPO.
Nagbaton ang mga BHWs sang tig-P6,000, P4,000 naman ang ginbaton sang mga BNS, kag P4,500 naman ang ginbaton sang mga BSPO.
Tuman naman ang kalipay nga nabatyagan sang mga Community Health Volunteers sa ila nabaton kag dako man ang pagpasalamats sang mga ini sa Gobyerno Probinsyal sang Capiz kag amo man sa Roxas City Government.
