ROXAS CITY – Obligasyon sang pulisya nga maprotehiran ang publiko batuk sa kalakasan.
Ini ang ginpahayag ni Very Rev. Fr. Jose Emilio Arturo Arbatin, ang pinuno sang Archdiocese of Capiz – Commission on Social Communications and Mass Media kasunod sang iya pagpamalabag sa ginaduso nga pagpaarmas sa mga pari agud maprotehiran ang ila kaugalingon.
Suno kay Arbatin, makalaalarma indi lamang ang pagpangluthang sa mga pari kundi ang wala untat nga patyanay sa pungsod.
Ginpahayag sini nga indi siya makapati nga ang isa ka pari, nga ginahalad ang kabuhi para sa tawo, ang matubsan pa nga patyon sang isa ka kriminal.
Kasunod sang natabo nga ikatatlo nga insidente sang pagpangluthang sa pari, ginpahayag ni Arbatin nga indi sabat ang pagpaarmas sa ila agud mauntat ang patyanay sa pungsod.
Sa baylo nga hatagan sang armas ang mga pari, kinahanglan pasangkaron pa sang mga pulis ang pagpabilin sang kalinong sa pungsod kag hugot nga pagpatuman sang mga laye.
