Ginpatawag sa isa ka sinapol sang pamunuan sang Roxas City Airport ang mga pumuluyo sang mga Barangay nga apektado sa plano nga expansion sang runway kag iban pa nga pasilidad.
Sa nangin interview sang Bombo Radyo sa pila ka mga pumuluyo sa Barangay Dumulog, naghatag ang pamunuan sang pila ka mga impormasyon nga dapat mahibaluan sang mga ini kag suno sa mga ini, wala suno diri sila sang mahimo kay ang gobyerno na ang nagmandu sang patigayunon nga pagpalapad sang hulugpaan.
Dugang pa sang mga ini, wala sang problema basta ihatag lang ang ginahinyo sang mga ini nga kabaylo sa mga nagastos nila sa pagpundar sang ila sini nga mga puluy-an.
Nagpromisa man ang pamunuan nga pagabayaran ang mga apektado nga mga pumuluyo ilabi na ang pagawaskon nga panimalay nga may mga ginahawiran nga titulo.
Nahibaluan nga magluwas sa Barangay Dumulog, apektado man sa nasambit nga expansion ang Brgy. Baybay kag Gabuan, Roxas City.
Ang ginahinyo lang sang mga ini nga kun tani iplastar sila sa maayo nga kahimtangan kag mahatagan ang mga ini sang relocation sa ila sini nga pagabalhinan.
