Preparado na ang Punong Barangay sang Barangay Baybay, Roxas City sa posible pagdugok sang tawo subong nga bag-ong tuig.
Sa interview sang Bombo Radyo kay Punong Barangay Erwin Oroceo, iya ginpahayag nga naka-alerto ang tanan ga katapo sang ila talatapan sa
pagbantay sa palibot sa tion nga magdamu ang tawo.
Suno pa kay Punong Barangay Oroceo, nagapakig-angot man ang ila talatapan sa iban pa nga ahensya kaangay sang kapulisan kag Philippine Coast Guard agud nga may kabulig sila sa pagbantay.
Pahayag pa niya, nga kalabanan mga kabataan ang nagalangoy gani ginapangabay gid ang mga ginikanan nga indi pagkuhaan sang panulok agud malikawan ang pagkalumos.
Ginpasiguro man sang natungdan nga magapabilin ang kalinong kag katawhay sa palibot kadungan sang New Year.
