ROXAS CITY – Ginkalipay sang mga mangunguma nga benepisyaryo sang Putian Farmers Association (PFA) sa banwa sang Cuartero ang proyekto nga ila ginahinyo nga resulta sang pagpanikasog sang Local Government Unit, stakeholders kag Community Support Program (CSP) teams sang Philippine Army nga na-deploy sa Barangay Putian.
Nahibaluan nga gin-inagurahan na ang Grains Flatbed Mechanical Drier sa isa ka seremonya nga gintambungan ni Engr. Jess Balad-on sang Department of Labor and Employment (DOLE-CAPIZ), SB member Abner Falsis, Kapitan Ness Foyunan sang Barangay Putian Cuartero, Mr. Sebedo Falsis presidente sang Putian Farmers Association, Lt. Col. Benedict Batara- commanding officer sang 61st Infantry Battalion.
Makabenepisyo sa nasambit nga proyekto ang kapin sa 85 ka mga mangunguma nga miyembro sang PFA.
Bangud sa katumanan sang proyekto ginapakita lamang diri ang commitment kag sinseridad sang gobyerno kag militar nga makabulig sa mga geographically isolated kag depressed communities agud masabat ang socio-economic problems.
Nahibaluan nga nagabalor sang P800,000 ang nasambit nga kagamitan.
