Ginklaro ni Atty. Israelito Torreon, abogado ni Pastor Apollo Quiboloy, nga indi pa sa karon mapatigayon ang napanawagan nila nga dako nga rally kag pag-martsa sang mga tagasuporta sang Kingdom of Jesus Christ (KOJC).
Suno kay Torreon, naka-focus ang mga followers ni Quiboloy sa mga nagakahinabo sa Davao City, kun sa diin ginsalakay sila sang linibo nga mga kapulisan sang PNP Region 11, para magserbe sang warrant of arrest.
Kasubong man, sigurado suno nga dayunon ini sa mga masunod nga adlaw agud ibuyagyag ang ila mga hinanaing kag panawagan kay Presidente Ferdinand Marcos Jr. nga ipa-untat na ang pagpang-gipit sa mga followers sang nagapanago nga pastor.
Mangin sa Estados Unidos nagpawagan sang people power ang Maisug group para kondenahon ang ginakabig nila nga overkill na pagsalakay sa KOJC compound.
Apang depensa sang pulisya, nagpatuman lang sila sang mandu nagikan sa korte, kun sa diin madamu sang kaso nga ginapangatubang si Quiboloy.
Kalakip na ang sex-related offenses, human trafficking kag labor violations.
