Rector sang Immaculate Concepcion Metropolitan Cathedral, ginpaathag ang rason sang pagbutang sa Disyembre 9 sang kapistahan sang Immaculada Concepcion

ROXAS CITY – Ginpa-athag ni Monsignor Freddie Billanes, Rector sang Immaculate Concepcion Metropolitan Cathedral sa publiko ang rason nga sa Disyembre 9 sa baylo nga sa Disyembre 8 ginbutang ang selebrasyon sang kapistahan ni birhen Immaculada Concepcion.

Suno kay Billanes nga nagakatabo lamang ini isa ka beses sa kada pito ka tuig bangud kadungan sang selebrasyon sa 2^nd Sunday of Advent.

Suno kay Billanes nga ginakabig sang simbahan nga mas mataas ang adlaw sang Adviento kun ikomparar sa kisptahan sang birhen.

Apang ginklaro ni Billanes nga sa tion nga makasimba sa Vespers Mass sa Disyembre 8, mahimu naman nga indi na magsimba bangud nahimo naman sang isa ka tumuluo ang iya nga obligasyon.