ROXAS CITY-Magapadayon ang releasing kag distribution sang Social Amelioration Program (SAP) sang Department of Social Welfare and Development sa bilog nga Western Visayas.
Ini ang ginpahayag ni DSWD-6 Regional Director Evelyn Macapobre sa ginpatigayon nga sinapol sang ahensiya sa probinsiya sang Capiz.
Suno kay Macapobre nga wala pa ini sang may nabaton nga direktiba nga untaton ang releasing kag distribution sang nasambit nga ayuda sa pihak nga nagtakup na ang deadline.
Gindugang pa ni Macapobre nga madamo sang mga local government units ang nag-apelar sa ahensya nga i-extend ang releasing bangud halos tanan sini sa ila ang wala pa matapos kag nagapadayon pa ang releasing.
Suno kay Macapobre, 17 pa gid lamang ka mga LGU’s ang nakatapos sang releasing sa bilog nga rehiyon kag iban sini sa ila ang nagapadayon pa ang balidasyon.
Samtang kasunod sini, nagpanawagan si Macapobre sang mga LGUs nga wala pa nakatapos nga padasigon ang releasing.
Ginkumpirmar ni Macapobre nga banwa pa gid lamang sang Dao kag Sapian ang nakatapos sang releasing sang nasambit nga ayuda sa bilog nga probinsiya sang Capiz.
