ROXAS CITY- Boluntaryo nga ginsungka sang isa ka retirado nga pulis ang isa ka unit sang rifle grenade sa Dumalag Municipal Police Station sang tinalikdan nga adlaw.
Ginkilala ang nag-turn over kay Andres Fuerte, 55-anyos, Barangay Kagawad sang Barangay San Roque, Dumalag, Capiz.
Sa interview snag Bombo Radyo kay PMAJ CHERRYL M VISTO, Hepe sang Dumalag Police Station, suno sa iya ang nasambit nga granada ang boluntaryo man nga ginsungka kay kagawad Fuerte sang isa ka residente sa ila barangay.
Mahibaluan nga ini ang bunga sang mas ginpasangkad nga kampanya sang Tokhang Kontra Armas Luthang ukon TKAL agud mapabilin ang kalinong kag katawhay sang palibot.
Sa karon, yara na sa paghinakop sang Firearms and Explosives Security and Guard Supervision Division sang Dumalag PNP ang granada para sa nagakaigo nga disposisyon.
