Nagsulod sang “not guilty” plea ang Sandiganbayan para kay former Senator Ramon ‘Bong’ Revilla sa kaso may kaangtanan sa ginaalegar ghost P92.8 million flood control project sa Pandi, Bulacan.
Sa ginpatigayon nga arraignment, nagpamalibad si Revilla nga magpahayag kun guilty ini ukon indi.
Bangud sini, automatic nga nagsulod ang korte sang ‘not guilty plea’ para sa anay senador agud maghulag ang kaso.
Ang mga co-accused ni Revilla, lakip sanday former Department of Public Works and Highways (DPWH) Bulacan Engr. Jaypee Mendoza, former Department of Public Works and Highways (DPWH) Bulacan Engr. Arjay Domasig, former Department of Public Works and Highways (DPWH) Bulacan Engr. Emelita Juat, kag DPWH Bulacan First District Engineering Office cashier Christina Pineda, ang nag-plea not guilty.
Sang nagligad nga semana, nagsulod man sang not guilty plea si Revilla sa Sandiganbayan Fourth Division sa kaso nga graft may kaangtanan sa gihapon sa nasambit nga proyekto.
