LAOAG CITY, ILOCOS NORTE- Patay ang isa ka rider nga kalakip nga nasunog sang iya nga motorsiklo matapos nga bumunggo sa isa ka nakaparada nga salakyan sa Laoag City, Ilocos Norte.
Sa isa ka report, makita ang pag-igrab sang bahin sang isa ka bypass bridge matapos magkalayo ang isa ka motorsiklo.
Naabtan ang rider sang pagdaba-daba sang kalayo matapos ini nga naipit sa iya nga motor.
Antes magkalayo ang motor, nagbunggo ini anay sa isa ka salakyan nga nakaparada sa tulay.
Natalbo ang angkas sini bangud sa makusog nga impact. Gindala ang angkas sa ospital, apang napaslawan naman nga masalbar ang rider sang amo nga motorsiklo.
Nag-surrender naman sa mga otoridad ang driver sang nakaparada nga salakyan. Depensa sini, ginpahigad niya lang ang iya nga salakyan bangud nahubsan ini sang gasolina.
Nag-hazard light naman ang driver kag nagsenyas pa sa pila ka mga motorista gamit ang iya nga cellphone flashlight.
Samtang, nagapadayon ang imbestigasyon sang mga kapulisan angut sa nasambit nga insidente.
