ROXAS CITY – Ginatudlo nga riding in tandem ang suspek sa pagluthang kay Barangay Kapitan Frederick ‘Dikoy’ Dullano, Liga ng Barangay President sa banwa sang Pontevedra.
Ini ang ginkumpirmar ni PMaj. Syril Punzalan, hepe sang Pontevedra MPS.
Sandig sa inisyal nga pagpangusisa sang Bombo Radyo sa lugar, nagikan sa Barangay Hall sang Brgy. Tabuc si PB Dullano kag mabukas na kuntani sang gate sang ila balay.
Sandig kay Brgy. Kagawad Romeo Biclar, gintutukan ini sang armas sang gunman didto pa lamang sa Brgy. Hall, kag ginluthang na si Dullano tubtob nga nakapauli ini sa ila balay, malapit sa Munisipyo.
Dugang pa ni Biclar nga sa inisyal sini nga impormasyon, may igu sa abaga kag kilid si Dullano.
Narekober sa lugar ang 3 ka empty shell sang .45 calibre nga armas luthang kag 1 ka magazine sang nasambit nga pusil.
Madasig nga nagpalayo ang riding in tandem suspects padulong sa direksyon sang Bailan, sa nasambit nga banwa.
Ginahibalo pa sa karon ang estado sa ospital ni Brgy. Kapitan Dullano.
