Isa ka kompanya sang robotics sa China napilitan sa paghimo sang isa ka tumalagsahon nga tikang: ang pag-utod sang batiis sang ila kaugalingon nga humanoid nga robot sa publiko agud pamatud-an nga wala ini sang tawo sa sulod.
Ang kompanya nga XPeng Motors nagpakita sang ila pinakaulihi nga bersyon sang “IRON” humanoid robot sa ila ika-7 nga XPeng Technology Day.
Apang bangud sa realistiko nga mga hulag sini, naglapta ang espekulasyon sa social media nga basi isa lang ini ka tawo nga nagasuksok sang robot costume.
Bangod sang kabaskugon sang mga pagduhaduha sang mga tawo, ang XPeng CEO He Xiaopeng nag-post sang video bilang sabat sa mga sayop nga paghangop.
Sa video, ang mga staff naggamit sang gunting sa pag-utod sang “panit” nga naputos sa wala nga batiis sang robot. Pagkatapos nga mautod ang naguwa nga cover kag ang elastic nga “muscle” fibers, nga mga lanot, ang metal skeleton sa sulod nagguwa.
Pagkatapos sang demonstrasyon, ang robot naghalin liwat sa entablado sa pagpalakpak sang kadam-an.
