ROXAS CITY, CAPIZ – Bastante ang ginhatag nga budget sang Roxas City Government sa mga atleta nga taga-Roxas City nga nagpasakop sa Batang Pinoy 2025.
Sa interview sang Bombo Radyo kay Melvin Galagate, spokesperson sang Roxas City Government, iya ginpahayag nga may yara sang bulig nga ginhatag ang Roxas City Government sa mga atleta sang Batang Pinoy nga nagpakig-angut sa ila nga talatapan.
Suno kay Galagate, may yara sang allowance nga ginhatag sa mga atleta sa nagkalain-lain nga sports kaangay sang Futsal, swimming, dancesports, kag badminton.
Pahayag pa niya, daku man ang pagpasalamat sang talatapan sa bulig nga ginhatag sang local government sang General Santos City kag sa pag-atipan sang mga atleta sang probinsya sang Capiz.
Dugang pa sang natungdan, wala gid nagapabaya ang Roxas City Government kag padayon nga naghatag sang bulig sa mga atleta nga magapasakop sa nagkalain-lain nga kompetisyon.
Interviewed by: Bombo Francis Biñas via Bombohanay sa Udto
