Roxas City Government, nagapadayon sa paglimpyo sang mga kanal agud indi magbara kag magresulta sang pagbaha

Wala sang daku nga kahalitan nga ginbilin ang Bagyo Basyang sa Roxas City.

Sa interview sang Bombo Radyo kay Mr. Melvin Galagate, head sang Roxas City Communication Group, iya ginpahayag nga nangin handa ang syudad sa pag-igo sang nasambit nga bagyo sang damlag lang.

Suno kay Galagate, nagapadayon ang local government unit sa paglimpyo sang mga kanal ilabi na ang pagkuha sang basura nga nagabara sa mga drainage system agud malikawan ang pagbaha.

Dugang pa sang natungdan, ginahingyo ang publiko nga magpatuman sang waste segregation kag mangin responsable sa paghaboy sang basura agud indi magbara ang mga kanal nga nagaresulta sang pagbaha.