Ginpatpat sang Roxas City Government ang isyu sa Teodoro Arcenas Trade Center, may kaangtanan sa mga alegasyon parte sa presyo kag bayad sang mga stalls sa Talipapa kag sulod sang Bagong Lipunan.
Sa interview sang Bombo Radyo kay Mr. Melvin Galagate, Head sang Roxas City Communications Group, iya ginpahayag nga may kamatuoran ang sitwasyon, apang ginapanilagan man nila ang economic value sang lugar agud maprotektahan kag mabuligan ang pumuluyo sa Roxas City, nga may daku nga populasyon kag madamo nga vendors.
Suno kay Mr. Galagate, ang paghimo sang mga layi indi basta – basta, apang ginapasiguro sang Sanguniang Panglungsod nga ang regulasyon mangin makatawo, patas sa tanan, kag indi magapabor sa isa ka grupo, ilabi na sa mga vendors sa Talipapa kag Teodoro Arcenas Trade Center.
Pahayag pa niya, kinahanglan sang tanan nga nagabaligya ang Business Permit ukon Barangay Permit rason nga ang Roxas City council nagagiya sang tikang agud ma -implementar na ang regulasyon sa tanan nga Talipapa vendors.
Dugang pa sa natungdan, ang City Government sigurado nga klaro kag patas ang ginabayaran sang kadam-an nga tagsa ka naga negosyo kag ang sistema ginatan-aw nga wala sang nalipatan ukon indi patas nga bayad.
