-- ADVERTISEMENT --
ROXAS CITY – Plano sang gobyerno sang siyudad sang Roxas nga magtukod sang kaugalingon nga real-time polymerase chain reaction (RT-PCR) testing laboratory.
Ini ang ginapanan-aw ni City Mayor Ronnie Dadivas nga pamaagi agud ma-contain ang coronavirus disease (COVID-19) samtang wala pa sang bakuna kontra sa amo nga balatian.
Pinaagi sini mahimo nga ma-test, ma-trace kag ma-treat ang mga posible malatnan sang nasambit nga balatian.
Natuhoy diri, nagpakigsapol na ang alkalde sa Capiz Medical Society, Hospital Administrators, Association of Medical Technologists, Philippine Red Cross kag iban pa nga stakeholders agud pamatian ang ila opinyon natuhoy sa amo nga plano.
