-- ADVERTISEMENT --
ROXAS CITY-Temporaryo nga ginapauntat ang operasyon sang Roxas City Health Office Birthing Clinic epektibo subong nga adlaw.
Base sa nangin Official Statement ni Roxas City Mayor Ronnie Dadivas may anum ka mga empleyado sang nasambit nga birthing clinic nga nakaangkon sang close contact sa isa nila ka pasyente nga nagpositibo sa COVID-19.
Suno kay Dadivas nga ang temporaryo nga pagpauntat sang operasyon sang birthing clinic subong adlaw tubtob mag-abot ang resulta sang RTPCR Test ang makahatag sang ligwa para sa pag-quarantine sa mga staffs, contact tracing kag massive disinfection.
Sa karon ginpaidalom na sa quarantine ang anum ka mga empleyado sang nasambit nga birthing clinic.
