-- ADVERTISEMENT --
ROXAS CITY – Nakabalhag sang pito ka mga nagbusong nagaedad 10 tubtob 14 anyos ang syudad sang Roxas, sang tuig 2022.
Ini ang sandig sa ginpaguwa nga datos sang Capiz Provincial Health Office sa ila 2022 Provincial Teenage Pregnancy report.
Sa nasambit nga datos, ginasundan ang syudad sang Roxas sang mga kabanwahan sang Tapaz, Pilar kag Jamindan nga may tig-4; Sapian, Mambusao, Maayon kag Dao nga may tig-3; Sigma nga may 2; Cuartero, Dumalag, Ivisan, Panay kag Panitan nga may tig-1.
Samtang, wala naman sang narekord sa mga banwa sang Dumarao, Pontevedra kag President Roxas.
Sa kabug-osan, may 38 ka mga nagbusong nagaedad napulo tubtob katorse anyos sa probinsya sang Capiz sang 2022, sandig sa nabalhag sang nasambit nga talatapan.
-- ADVERTISEMENT --
