ROXAS CITY – Nakalab-ot na sa atensyon sang School’s Division of Roxas City ang pila karon ka mga nagalapta nga laragway sa social media may kaangtanan sa madamo nga sala sang learning modules.
Ini ang ginkumpirmar ni Curriculum Implementer Division Chief Dr. Marvic Martires sang mainterview sang Bombo Radyo Roxas.
Suno kay Martires nga matapos sini nabaton ang pila ka mga reports, gilayon sini nga gintsekyar ang link sa Google Drive kun sa diin nakabutang ang mga modules nga pagagamitan sang mga estudyante.
Suno diri nga apisar wala sini maluyagan ang natabo apang kinahanglan nga atubangon kag tagaan sang ka-klaruhan agud mainsakto kag ma-edukar sang maayo ang mga estudyante.
Ginpahayag sini nga kalabanan sa nakita nga sala ang nakabutang sa mother tongue subject sang Grade 1.
Suno diri nga ang nagalapta sa karon nga sala nga module sa social media ang indi panag-iya sang Roxas City ukon bilog nga rehiyon 6 kundi gikan sa Tagalag region.
Gindugang pa ni Martirez nga nag-conceptualized sila sang modules base sa lokal nga konteksto sang sitwayon sang mga kabataan, lakip na ang ila pag-ginawi, kultura kag lengwahe.
Suno diri nga may mando na gikan sa division’s office nga kun may nadiparahan pa nga mga sala sa modules, butangan ini sang anotasyon agud tawgan ang mga ginikinanan agud nga mapa-athagan.
Gindugang pa sini nga apisar madamo sang reklamo nga nabaton ang talatapan sa una nga semana sang pagbukas sang klase apang nag-perform sang maayo ang mga estudyante.
