ROXAS CITY – Gindonar sa Bureau of Jail Management and Penology (BJMP) kag Capiz Rehabilitation Center (CRC) ang kapin sa 32 ka mga banyera nga nagaunod sang nagkalain lain nga mga isda nga nakumpiskar sang mga katapu sang bantay dagat sa isa ka palupad nga iligal nga nagapangisda sa kalalawran nga sakup sang Barangay Balaring, Ivisan.
Gindakup sang mga bantay dagat ang napulo ka mga tripulante sang MB M/5 nga ginalakipan sang ila boat captain kalakip ang siyam ka iban pa nga mga mangingisda.
Yara na sa kostodiya sang Municipal Agriculturist Office sa banwa sang Ivisan ang fishing paraphernalia nga nakuha sa nasambit nga sakayan pangisda.
Samtang may yara man sang penalidad sa mga mangingisda nga naglapas sa municipal ordinance sang banwa sang Ivisan.
