ROXAS CITY-Palanakit sang kalawasan ang nabatyagan sang 24-anyos babayi matapos nga aksidente nga mabungguan sang delivery truck ang ginamaneho sini nga salakyan sa Barangay Bailan, Pontevedra Capiz.
Ginkilala ang driver sang salakyan nga si Keshia Grace Jumbas residente sang Barangay Bating, Mambusao Capiz.
Sa inisyal nga imbestigasyon sang Pontevedra Muncipal Police Station ginasubay sang biktima ang dalan sang nawigit ang wiper sang ginamaneho sini nga salakyan.
Apang sang tion nga maliko na kuntani ini agud balikan ang nasambit nga wiper, aksidenta ini nga mabungguan sang delivery truck nga ginamaneho naman ni Christopher Dela Rosa residente sang Barangay Poblacion Proper, Sara Iloilo.
Maswerte nga wala mapilasan sa aksidente apang nakabatyag sang panalakit sa kalawasan si Jumbas.
Samtang natigayon naman nga nagkasugot ang magtimbang nga grupo.
