ROXAS CITY – Nagpalanakit ang lawas sang mag-iloy matapos nagbaliskad ang ila salakyan sa Barangay Parian, Sigma, Capiz.
Ginkilala ang mga biktima nga sanday Karen Jean Villaruz 44-anyos, call center agent kag anak nga si Danielle Louise Villaruz 22-anyos sang 103 Amado Lim Building, Debonaire Subdivision, Barangay Tanque, Roxas City.
Sa imbestigasyon sang Sigma PNP nagaguwa nga padulong sa Iloilo ang mag-iloy para idul-ong ang anak sa airport nga magapadulong sa Manila.
Apang pag-abot sa Barangay Parian, Sigma, naalang alang ang driver bangud sa ginakaayo nga karsada nga wala sang early warning device.
Ginkabig sini pawala ang manubela agud malikawan ang guba nga dalan apang malas nga nagdiretso ini sa stockpile kag nagbaliskad.
Ginabasol sang driver ang ila pagka-aksidente sang anak sa kakulangan sang early warning device nga dapat ipahamtang agud mahatagan sang notisya ang mga motorista.
