ROXAS CITY – Nagpablotter sa pulisya ang isa ka sales supervisor matapos nga ginaalegar napaslawan sa pagpasa sang remittances ang iya kaupod sa trabaho sa isa ka pribado nga kumpaniya sa Barangay Banica, Roxas City.
Ginkilala ang tagreklamo nga si Marco Vasquez 35-anyos sang Barangya Cogon sining siyudad.
Sandig sa ginpabalhag sini sa pulisya nga samtang nagapatigayon ini sang inventory sa ila nga kumpaniya ginaalegar nga kulang ang ginaremit nga remittances ni Cherry Mae Suncad 21-anyos sang Barangay Tiza sining siyudad.
Ginapahayag nga nadula ang kwarta nga kapin sa P107,520 nga kita sang ila kumpaniya humalin sang nagligad nga Disyembre tubtob Pebrero.
Ginaalegar nga kulang ang remittance kag mga resibo matapos nga nagpatigayon sila sang audit report.
Bangud diri, ginpakamaayo na lamang sang tagreklamo nga iparekord sa pulisya ang insidente.
