Nagpasaka sang criminal complaint ang Securities and Exchange Commission batuk sa Villar Land Holdings Corp kag mga matag-as nga opisyal sini, lakip na ang pamilya ni Former Senador Manny Villar, bangud sa mga alegasyon sang market manipulation kag insider trading.
Sa ginpasaka nga reklamo sang Securities and Exchange Commission, lakip sa mga ginhingadlan nga respondents amo sanday Manny Villar Jr., Fomer Senador Cynthia Villar, kag ang ila mga kabataan nga sanday Manuel Paolo, Mark, kag Camille Villar.
Suno sa komisyon, naghalin ang kaso sa gin-alegar fraudulent financial disclosures sang kompaniya sang 2024 kun sa diin gin-inflate ang ila kabug-usan nga assets sa P1.33 trillion, apang naguwa sa audit nga P35.7 billion lang ini.
Ginpasakaan man sang kaso ang mga kaalyado nga mga kompanya nga Infra Holdings Corp. kag MGS Construction g sa paghimo sang artificial demand sa pagpataas sang presyo sang ila mga stock.
Si Camille Villar naga-atubang man sang insider trading matapos gin-alegar nga nagbakal sang linibo ka mga shares antes ang isa ka importante nga anunsyo sang kompanya sang 2017.
Ginhatagan pagtamod ni SEC Chairperson Francis Lim nga indi nila pagkunsintihon ang anuman nga mga pagpangdaya nga buhat nga nagapangdaya sa mga manugpuhunan kag nagaguba sang integridad sang merkado sa Pilipinas.
