Self confessed drug lord Kerwin Espinosa, ginproklamar bilang bag-o nga alkalde sang Albuera, Leyte

Ginproklamar si Rolan Kerwin Espinosa bilang bag-o nga alkalde sang Albuera, Leyte.

Base sa opisyal nga anunsyo sang iya kampo, ginkilala sang Comelec ang iya kadalag-an.

Kadungan sang iya nga proklamasyon amu man ang pag-elect kay Mariel RR Espinosa nga iya utod bilang bise alkalde sang nasambit nga banwa.

Ginpatigayon ang proklamasyon sa presensya sang mga tiglawas sang Commission on Elections (COMELEC) kag mga lokal nga opisyal sang Albuera, matapos makumpleto ang transmission sang election returns gikan sa tanan nga presinto.

Matandaan nga ginluthang si Kerwin sa panahon sang kampanya.

Gin-aresto naman ang pila ka suspek apang wala pa natumod ang utak sang pagpangluthang.