ROXAS CITY – Nagapanghakroy ang mga sellers sang frozen products bangud sa daku nga kapiyerdehan tuga sang kapin 4 ka adlaw nga black out nga na-eksperensyahan indi lang sa probinsya sang Capiz, kundi sa bug-os nga Panay Island.
Suno kay Ms. Roselle, manugbaligya sang frozen products, ginpanghaboy na lang sini ang mga ginabaligya kasubong sang fries, siomai, fishball kag kikiam nga nag-aslom na bangud wala sang kuryente.
Pahayag pa sini, nga wala na ini sang mahimo bangud sa wala ginalauman nga lapnagon nga brown out kundi batunon na lang ang kapiyerdehan.
Nagalaum si Roselle nga indi na maliwat ang kaangay nga hitabo agud indi na madugangan pa ang ila ginapangatubang nga problema.
Mahibaluan, as of 12:30 kaina sang udto gin-anunsyo sang CAPELCO nga 100% energized na ang tanan nga feeders sa Capiz, nagakahulugan balik sa normal na ang suplay sang kuryente sa probinsya.
