CUARTERO, CAPIZ – Pagpangimon ukon selos ang ginalantaw nga anggulo sang kapulisan sa pagpatay sa 60-anyos nga senior citizen sa Barangay Mainit, Cuartero, Capiz.
Matandaan nga patay na sang masapwan ang senior citizen nga ginkilala kay alyas Joselyn nga residente sang nasambit nga lugar. Nag-angkon ini sang patal nga mga pilas sa lawas tuga sang pagpangbuno nga gintunaan sang iya kamatayon.
Sa interview sang Bombo Radyo kay Cuartero PNP Chief PCAPT Alladen Talaban, sandig sa ila imbestigasyon antes natabo ang insidente may nagluntad nga indi pag-intindihanay sa tunga sang biktima kag ginapahayag karelasyon sini nga amu ang person of interest sa krimen. Naglisensya suno diri ang biktima nga matrabaho ini sa syudad apang wala nagpasugot ang iya karelasyon.
Ginapahayag nga nabatian man sang kaingud balay ang pagpangayo sang bulig sang biktima apang wala man ang mga ini nagpadulong sa pagpati nga normal lang ini nga away sang biktima kag iya karelasyon.
Nagapanagawan naman ang Cuartero PNP sa witness nga makatudlo sa naghimo sang krimen agud masolbar na ang kaso.
