Nanindugan si anay Philippine National Police Chief kag Senator Ronald Dela Rosa nga indi siya magbaton sang kwarta nga magagikan sa iligal nga pamaagi.
Ginhimo sang heneral ang pahayag, matapos mapamangkot ang iya reaksyon angut sa ginbuy-an nga pahayag sang Pagcor official nga si Gen. Raul Villanueva nga isa ka anay PNP Chief nga yara sa idalum sang payola sang Philippine Offshore Gaming Operator(POGO).
Ang nasambit nga opisyal man suno ang nagbulig agud makapalagyo ang grupo ni Alice Guo, ang ginkakas nga alkalde sang Bamban, Tarlac.
Suno kay Dela Rosa, bisan isa pa ka truck sang kwarta ang ihatag sa iya indi niya ini pagbatunon kun nahibaluan nya nga halin ini sa krimen ukon may iban nga kabaylo.
Kaangut sini nangakig man ang anay PNP Chief bangud ginpaguha na ang nasambit nga impormasyon rason nga wala pa ini nag-agi sa validation kag isa pa lamang ini ka titulo sa intelligence community.
Dugang pa ni Dela Rosa, kalolooy ang iban pa nga PNP Chief nga naulamid sa nasambit nga alegasyon.
