Nagalaum si Senate Committee on Finance Chairman Senator Sherwin Gatchalian nga mapabilin ni Cong. Mikaela Suansing ang iya posisyon bilang pinuno sang House Appropriations Committee sa pihak sang presensya sang bag-o nga House Speaker.
Suno kay Gatchalian, nakasugod na sila sang koordinasyon kay Suansing may kaangtanan sa paghinun-anon sang ginaduso nga National budget for 2026.
Dugang pa niya ,nga klaro ang suporta sang kongresista sa tinutuyo nga mangin bukas kag transparent ang proseso sang budget deliberations.
Ginpahayag pa sini nga pamatuod ini sang tikang ni Suansing nga imbitaron ang mga Civil Society Organizations (CSOs) kag Non-government Organizations (NGOs) nga magpartisipar sa hearing sang komitiba.
Apang ginklaro ni Gatchalian nga sa tion nga may pagbag-o sa pamunuan sang House Appropriations Committee, indi sini madelay ang pagpasar sang 2026 national budget.
