Pormal na nga ginkwestyon ni Senator Imee Marcos ang executive branch agud ibuyagyag ang ginaalegar pagkuntsaba sang gobyerno kag sang International Criminal Court (ICC) may kaangtanan sa pagdakop kay Former President Rodrigo Duterte.
Paagi sa Senate Resolution No. 340 nga gin-file sang Martes, gin-obligar sang senador ang administrasyon nga ipahibalo sa publiko ang tanan nga komunikasyon kag kasugtanan sa ICC, kadungan sang una nga anibersaryo sang pagkadakop kay Duterte kahapon nga adlaw, Marso 11.
Ginsaway ni Marcos ang indi husto nga mga panindugan sang gobyerno, ilabi na ang gina-alegar nga pagpakig-angot ni Justice Secretary Jesus Crispin Remulla sa nasambit nga foreign court.
Nagpanawagan si Marcos nga manabat ang mga opisyal nga naglapas sa Konstitusyon kag ginpanindugan ang gilayon nga pagbalik ni Duterte sa pungsod.
Matandaan nga pormal nga nag-withdraw ang Pilipinas sa Rome Statute sang 2019, gani hugot nga ginapamatukan sang senador ang pagbalewala sang Philippine Judiciary pabor sa arrest warrants sang International Criminal Court.
