Senators Lacson kag Sotto, gintawag nga ‘peke’ ang nagaguwa nga impormasyon nga may kudeta naman nga matabo sa Senado
Gintawag nanday Senate President Vicente “Tito” Sotto III kag Senate President Pro Tempore Panfilo “Ping” Lacson nga ‘peke’ ang nagaguwa nga impormasyon nga may yara liwat sang kudeta sa Senado matapos ang isa ka semana nga reorganization.
Suno kay Senator Lacson, katuyuan sang pagpalapta sang sala nga impormasyon amo nga makuha ang atensyon sang publiko.
Ginatumod sang senador ang naglapta nga ‘breaking news’ nga ginapahayag nakakuha sang bastante nga suporta si Senate Minority Leader Alan Peter Cayetano agud islan si Sotto.
Gintawag ini ni Senator Lacson nga ‘faky breaky news’ ang amo nga impormasyon nga naglapta sa social media.
Nagpaguwa man sang statement si Senate President Sotto kag ginkwestyon kun ano gid ang ginakakulbaan sang mga wala niya ginpangalanan nga mga tawo.
Pahayag ni Sotto, wala pa gani makaumpisa hearing ang Senate Blue Ribbon Committee nga ginapamunuan ni Lacson, kag luyag na nga ilisan ang mga senador.
Una na nga ginpahayag ni Senator Lacson nga mahimo mangin ‘threat’ ang minority sa Senate Leadership apisar nga may yara ang mga ini sang siyam ka mga myembro.
