Gin-rekomenda sang Independent Commission for Infrastructure (ICI) sa Ombudsman ang pagpasaka sang kaso nga plunder, bribery kag corruption batuk kanday Senador Joel Villanueva, Senador Jinggoy Estrada, former representatives Zaldy Co kag Mitch Cajayon, amo man si Commission on Audit (COA) commissioner Mario Lipana kag iban pa.
Suno kay ICI Chairman Andres Reyes Jr., base sa testimoniya kag pahayag sang witnesses, ang scheme ang nag-umpisa sa proponent nga isa ka myembro sang Senado ukon myembro sang Kamara, nga amo ang nagapabalo kay Engineer Henry Alcantara nga may yara ini sang ginpain nga pondo para sa infrastructure project.
Pahayag niya, ang scheme ang masami naga-involve sang flood control projects bangud ang kickback ang nagalab-ot sa 25% tubtob 30%, mas mataas kun ipaanggid sa kickback para sa iban nga proyekto nga yara lang sa 10%.
Ginrekomenda man sang komisyon ang pagpasaka sang kaso batuk kay anay Public Works and Highways undersecretary Roberto Bernardo.
