Senior citizen nga nakaangkon sang 2nd degree burn sa nasunog nga balay sa Brgy. Lanot, ginbawian sang kabuhi samtang ginabulong sa ospital

ROXAS CITY – Nagakasubo ang himata sang senior citizen nga napatay samtang ginabulong sa ospital matapos nga nakaangkon sang 2^nd degree burn sa nasunog nga balay sa Sitio Nasagud, Barangay Lanot, Roxas City.

Ginpahayag ni Rommel Sario, anak sang biktima nga si Nelson Sario nga 70 tubtob 75 porsyento sang kalawasan sang amay sini ang nakaangkon sang 2^nd degree burn.

Samtang nagapasalamat ini sa mga nagbulig sa iya amay sa tion nga ginalamon sang kalayo ang ila nga balay.

Matandaan nga nakaguwa na kuntani sa nasunog nga balay ang biktima apang ginapahayag nga nagbalik ini sa sulod agud kuhaon ang cellphone kag wallet nga may unod nga kwarta gikan sa nabaton nga ayuda sa Social Amelioration Program (SAP).