ROXAS CITY – Patay ang isa ka senior citizen matapos ginaalegar nalumos sa Talon Beach Park, Sitio Ayagao, Brgy. Talon Roxas City, takna 9:30 sang aga, Mayo 26.
Ginkilala ang biktima kay Amando Rosaldes, 79-anyos, residente sang Brgy. Poblacion Ilaya, Lambunao Iloilo.Sandig sa imbestigasyon sang Roxas City PNP, nagpadulong sa nasambit nga beach resort ang biktima kaupod ang iya pamilya para sa family gathering, kag kaupod man pagpaligo apang hinali na lang ini nalumos.
Madasig nga ginpadangat pa ang biktima sa Capiz Doctor Hospital apang gindeklarar nga dead on arrival sang doktor.
Posible nga gin-atake si Rosaldes sang ginasuprehir nga balatian samtang ini ang nagapaligo.Nagapati naman ang pamilya ni Rosaldes nga wala sang foul play nga natabo.
Sa karon, nagapadayon ang imbestigasyon sang kapulisan angut sa insidente.
