Ginbuksan na sang Civil Service Commission (CSC) ang ganhaan sang Gobyerno sa mga senior high school graduates, pagkatapos nga ginpanubo sini ang kinahanglanon sa edukasyon para sa mga posisyon sa una nga lebel pareho sang clerical, custodial, trade, kag craft jobs.
Sa gahum sang CSC Resolution No. 2500229 nga ginpasar sang Marso 6, ang mga Grade 10 ukon Grade 12 nga mga gradwado mahimo makasulod sa mga sub-professional nga trabaho sa gobyerno, upod ang pag-align sang mga sulundan sa K to 12 nga kurikulum sang pungsod.
Ang bag-o nga polisa wala nagasakop sang mga posisyon nga nagakinahanglan sang isa ka partikular nga degree ukon propesyonal nga lisensya.
Bag-o nga mga kwalipikasyon:
- Ginabaton man ang High school diploma
- Junior high school graduate humalin 2016 pataas kwalipikado man.
- Grade 12 graduates sang TVL track ukon Grade 10 + TESDA NC II — ginabaton man para sa mga posisyon nga nagakinahanglan anay sang vocational training ukon 2 ka tuig nga kolehiyo.
Gin-athag sang CSC nga ang edukasyon lamang indi bastante; Ang aplikante dapat man makapasar sa iban pa nga mga kinahanglanon pareho sang paghanas, eksperyensya sa trabaho, kag kwalipikasyon sa serbisyo sibil. Suno sa iya, yara pa sa hiring agency ang pinal nga desisyon.
Ang bag-o nga polisiya ang mangin epektibo 15 ka adlaw pagkatapos sang pagbalhag sini sa Official Gazette ukon mga pamantalaan.
