ROXAS CITY-Nagalaum sang Chairman sang Committee on Health and Sanitation sang Sangguniang Panlungsod ang ginaduso sini nga ordinansa natuhoy sang pag diposed sang mga higko gikan sa mga septic tank sa siyudad.
Sa interview sang Bombo Radyo sa kay City Councilor Cesar Yap Jr ginpahayag sini nga pasado na first reading ang ginaduso sini nga ordinasa natuhoy sa pag establisar sang isa ka sewage kag septage system sa siyudad.
Suno sa kay Yap nga tinutuyo sini nga mapasiguro nga matinlo kag hilway sa bacteria ang tubig nga gikan sa mga septic tank pakadto sa suba.
Ginduso sini ang ordinansya kasunod sang pagkaalarma sini sa mataas nga E-coli bacteria content sang aton mga kasubaan kun sa diin isa mga rason amo mga tubig gikan sa mga septic tank.
Pinaagi sa nasambit nga ordinansa, tuyo sang konsehal nga mag establisar sang isa ka establisemento nga accredited sang Department of Health (DOH) nga amo ang magakuha sang higko sa mga septic tank agud mapasiguro nga hilway sa ini sa bacteria antes ibalik sa suba.
Natalana naman nga magpatawag sang committee hearing si Yap kaupod ang iban nga ahensiya sang gobyerno natuhoy sa ginaduso sini nga ordinansa.
