ROXAS CITY –Ginkompimar sang alkalde sang banwa sang Sigma nga papulion na pabalik sa Barangay Balucuan, sa nasambit nga banwa ang tatlo ka mga construction workers nga na-stranded sa Barangay Aglalana, Dumarao, Capiz.
Ginpahayag ni Mayor Christopher Andaya nga ginsugat na sang ambulansya ang tatlo ka mga construction workers kag pagadal-on sa Roxas Memorial Provincial Hospital (RMPH) agud ipaidalum sa “swab testing”.
Gindugang pa ni Andaya nga ipaidalum sa 14-day quarantine ang tatlo ka mga construction workers sa gindesignar nga quarantine facility sa isa ka Inn sa banwa sang Sigma.
Gin-athag ni Andaya nga gindesisyunan sini nga pasugtan nga makapauli ang tatlo ka mga construction workers sa nasambit nga banwa bangud nakompirmar sini nga madamo man sa gihapon ang nagalusot sa border checkpoint sa Aglalana, Dumarao.
Samtang dismayado naman ang alkalde sa mga naga bantay sa border checkpoint Dumarao bangud sa tuman ka-halug nga pagbantay bangud sa mga nakalusot nga mga Capizeño gikan sa kaiping nga mga kaprobinsiyahanan.
Mahibaluan nga halos maga-15 diyas na nga nagapabiln sa dulunan sang Dumarao, Capiz – Passi, Iloilo ang tatlo ka mga construction wokers nga nagikan sa Miagao, Iloilo.
