Bukas ang Simbahan Katolika sa tanan nga gusto mag-evacuate kadungan sang malain nga panyempo dala sang Bagyo Verbena.
Sa interview sang Bombo Radyo kay Very Reverend Monsignor Rufino Reggie Pamposa, Vicar General sang Archdiocese of Capiz, iya ginpahayag nga may yara sang mandu humalain pa sang pag-igo sang bagyo Yolanda nga ang tanan nga simbahan kag kapilya ang mangin bukas sa pagsapupo sa mga nagakinahanglan.
Suno pa kay Reverend Monsignor Pamposa, nagpakig-angut man ang simbahan sa mga ahensya sang gobyerno agud nga mahibaluan kun ano pa gid ang mgabulig nga mahimo nila mahatag.
Pahayag pa niya, indi dapat magkahadluk ang mga pumuluyo sa pagpalapit sa simbahan apisar lain pa ang relihiyon sa tion sang kalamidad bangud malipayon gid nila nga paga-serbisyuhan ang tanan sa abot sa ila nga ikasarang.
Nagapanawagan man ang natungdan sang pangamuyo agud nga malampuwasan ang kalamidad nga maga-igo sa probinsya sang Capiz.
