Nag-angkon sang pilas sa itsura ang 2 sa lima ka mga menor de edad matapos nga ginpang-sumbag sa Barangay Cabangahan Panitan Capiz.
Ang mga biktima amo sanday alyas “Toto” 16-anyos, alyas “Boy” 16-anyos, alyas “Nonim” 17-anyos, alyas “Petpet” 15-anyos kag alyas “Jr.” 16-anyos nga lunsay mga residente sang nasambit nga lugar.
Sa impormasyon nga nakuha sang Bombo Radyo nagikan sa duwa ka mga menor de edad, ginpahayag nga samtang naga hampang ang mga ini sang online games sa waiting shed sa ila nga lugar, hinali nalang nga nag-abot ang SK chairman nga ginkilala kay alyas “Mark” 21-anyos.
Suno pa nga una na nga gintapungol ni alyas “Mark” si Alyas “Jr.” apang wala ini ginsapak kag ginbatuan sang lima ang nasambit nga SK Chairman bangud yara ini sa impluwensya sang makahulobog nga ilimnon.
Nagdesidyon na lamang ang lima nga magpauli apang ginlagas pa ini sang SK chairman kag ginpang-sumbag.
Sa karon, ginahulat na lamang ang sabat sang nasambit nga SK Chairman angut sa nasambit nga insidente.
