ROXAS CITY, CAPIZ – May ginhimo nga tikang ang SK Chairman sang Brgy. Sibaguan agud makabulig ang mga opisyales sang Sangguniang Kabataan sa pagtapna sang kinawatay sa ila lugar.
Sa interview sang Bombo Radyo kay SK Chairman JB Astorias, inisyatibo sini nga ginpalab-ot ang mensahe sa ila Punong Barangay kag Brgy. Council nahanungod sa mga tikang nga pagahimuon agud matapna ang nagakihinabo nga kinawatay sa ila barangay.
Suno kay Astorias nga naghatag ini sang suhestyon nga magaupod ang SK Council sa pagronda sa kagab-ihon kaupod ang mga Barangay Tanod agud magbantay sa tion nga may magluntad nga kinawatay ukon anuman nga sahi sang insidente.
Panugyan sini sa mga nagapangawat nga untatan na ang iligal nga buluhaton bangud indi maayo nga kuhaon ang gintimakasan sang iban.
