Arestado ang ginakabig Street Level Individual sa ginkasa nga Drug Buy Bust operation sang mga kapulisan sa Barangay Tabuc Norte,Panit-an, Capiz
Sandig sa impormasyon nga nakuha sang Bombo Radyo Roxas nagikan sa Panit-an Municipal Police Station, ginkilala ang arestado kay alias Jomar, 37 anyos,kag Residente sang Pob. Ilaya sa nasambit nga banwa
Natigayon nga naaresto si jomar pinaagi sa isa ka pulis nga
nagpakuno-kuno poseur buyer matapos nabaklan sang 1 ka sachet sang ginapatihan shabu sa baylo sang P1,500.
Narekober sa posesyon sini ang 5 tanan ka sachet sang ginapatihan shabu nga ginabulubanta nga may kabug-aton 6 gramos kag may standard drug price nga P40,800 kag P1,500 pesos nga buybust money.
Samtang,isa naman ka drug surenderee si alyas Jomar kag nalakip man sa listahan sang BADAC sa ila barangay.
Magapangatubang naman ang suspetsado sa kaso nga paglapas sa Republic Act 9165 ukon Comprehensive Dangerous Drugs Act of 2002. Sa karon, nagapabilin ini sa karsel sang Panit-an Municipal Police Station para sa nagakaigo nga disposisyon
