ROXAS CITY – Gin-ako sang pamilya sang 28-anyos nga soldado nga nagtiro-patay sa kaupdanan sa ila nga kampo sa 61st Infantry Battalion Philippine Army nga natrauma sa naexperiensiyahan nga encounter si PFC Sargie Labao.
Sa exclusive interview sang Bombo Radyo Roxas kay Mrs. Aida Labao, iloy ni PFC Labao nga antes pa ini na-assign sa Bravo Company sang 94th Infantry Battlion, 3ID Philippine Army nga nag-augment sa 61st IB nga naba-se sa Barangay Lagdungan, Tapaz, Capiz na-confine ini sa Western Visayas Medical Center sa Iloilo City.
Suno sa ginang nga nagdugay sang isa ka bulan sa ospital si PFC Labao matapos na-trauma ini sa naagyan sang ma-assign sa Bohol, sa diin na-encounter sang ila nga tropa ang mga rebelde.
Nahibaluan nga nag-angkon sang 15 ka pilas sa magkatuhay nga bahin sang lawas ang biktima nga si PFC Delio Sebarillo matapos tiruhon sang suspek nga si Labao gamit ang 9mm nga baril.
