Nagdesisyon ang mga miyembro sang House Committee on Good Government and Public Accountability nga mag-amutay agud maghatag sang padya sa sin-o man nga makatudlo kay “Mary Grace Piattos” kung sa diin may dako nga nakuha sa confidential funds ng Office of the Vice President.
Mahibaluan nga ginkumpirmar ni Zambales Representative Jay Khonghun nga magahatag sila sang P1-M sa makahatag sang impormasyon kung sin-o man kag kung sa diin nagapanagi si Piattos.
Suno kay Khonghun apisar nga may iban pa nga mga pangalan nga makaduluda sa acknowledgement receipts, si “Mary Grace Piattos”.
Matandaan nga nagtuhaw ang pangalan ni Piattos sa pagsinapol sang Good Government and Public Accountability kung sa diin ginapahayag nga isa ini sa signatories sang acknowledgement receipts nga ginsumite sang OVP sa COA may kaangtanan sang confidential funds.
Suno naman kay La Union Representative Paolo Ortega, mahimo nga maanggid sa listahan sa sari-sari store ang mga ginamit nga pangalan sang OVP.
Kaangut sini, nasubuan man sanday Khonghun kag Ortega nga indi magtambong si Vice President Sara Duterte sa masunod nga pagsinapol sang House panel apisar personal na nga ginhatag ang imbitasyon.
Sa pagkamatuod suno diri nga luyag na nila nga matapos ang imbestigasyon sang komite kag mapaaprubahan na ang committee report rason nga importante sa ila ang pagtambong sang resource persons nga maka-eksplekar may kaangtanan sa sala nga paggamit sang pondo.
